Hytaý mekdeplerde we jemgyýetçilik ulaglarynda agyz-burun örtükleriniň hökmany dakylmagyny ýatyrdy
Aprel 13, 2023 | 15:27 |5807
Hytaýyň häkimiýetleri mekdeplerde we jemgyýetçilik ulaglarynda örtükleriň hökmany dakylmagyny ýatyrdy – diýip, Hytaýyň «Sinhua» habarlar agentligi habar berýär.
Ýurduň Döwlet geňeşi tarapyndan yglan edilen resminama laýyklykda indiden beýläk agyz-burun örtüklerini dakynmak maslahat beriji häsiýete eýedir. Täze düzgün adamlaryň köp ýygnanýan ähli jemgyýetçilik ýerlerine degişlidir.
Agyz-burun örtüklerini hökmany dakynmak diňe COVID-19 hassalaryna, özünde bu keseliň alamatlary bar bolan adamlara degişlidir, şeýle hem lukmançylyk edaralaryna baranda we garrylar öýüne baranda ony dakynmak hökmanydyr.
ORIENT habarlar
