Türkmen-özbek araçägindäki Farap-Alat geçiş nokadynyň geçirjilik ukyby artdyrylar
Aprel 12, 2023 | 15:47 |18665
Türkmen-özbek araçägindäki «Farap» we «Alat» serhetýaka gümrük nokatlarynyň geçirijilik ukyby her gije-gündizde bir müň awtoulag serişdesine çenli artdyrylar – diýip, Türkmenistanyň Döwlet gümrük edarasynyň saýty habar berýär.
Bu mümkinçilik Türkmenistanyň Döwlet gümrük gullugynyň we Özbegistan Respublikasynyň Ykdysadyýet we maliýe ministrliginiň ýanyndaky Gümrük komitetiniň wekilleriniň duşuşygynda ara alnyp maslahatlaşyldy.
Duşuşyga şeýle hem «Alat» gümrük nokadynyň başlygy gatnaşdy.
Araçägiň bu nokadynda halkara hyzmatdaşlygyna oňyn baha bermek bilen, duşuşyga gatnaşyjylar gümrük nokatlaryny täzelemegiň we döwrebaplaşdyrmagyň meýilnamalaryny kesgitlediler, bu bolsa ulag akymynyň artmagyna ýardam eder.
ORIENT habarlar
