DIM-niň baştutanlarynyň «Hazar bäşliginiň» duşuşygy 2023-nji ýylda Russiýada geçer
Hazarýaka döwletleriň DIM-niň baştutanlarynyň duşuşygy Russiýada geçirilmegi meýilleşdirilýär. Bu barada Russiýanyň daşary işler ministri Sergeý Lawrow özüniň gazagystanly kärdeşi Myrat Nurtleu bilen bilelikdäki metbugat maslahatynda beýan etdi - diýip, RF-nyň diplomatik edarasynyň saýty habar berýär.
Sergeý Lawrow Russiýanyň 2022-nji ýylda Aşgabatda geçen VI Hazar sammitiniň we II Hazar ykdysady forumynyň barşynda gazanlylan ylalaşyklaryň ýerine ýetirilmegine möhüm ähmiýet berýändigini beýan etdi.
Hazarýaka döwletleriň baştutanlarynyň VII sammitiniň Eýranda geçirilmegi meýilleşdirilýändigi ozal habar berlipdi.
«Hazar bäşligi» Hazar deňziniň kenarýaka ýurtlaryny öz içine alýar, olar özara ykdysady integrasiýany, howpsuzlygy üpjün etmekligi we deňziň sebitleýin ekoulgamynyň goraglylygyny üpjün etmekligi özlerine maksat edinýärler. Ol Türkmenistany, Gazagystany, Eýrany, Russiýany we Azerbaýjany öz içine alýar.
ORIENT habarlar
