Saud Arabystany Arkadag şäheriniň infrastrukturasyna ýokary baha berdi
Saud Arabystany döwlet ähmiýetli Arkadag şäheriniň infrastrukturasyna ýokary baha berdi – diýip, Türkmenistanyň daşary syýasat edarasynyň saýty habar berýär.
Bu Türkmenistanyň Saud Arabystany patyşalygyndaky ilçisi Orazmuhammet Çaryýewiň Saud Arabystanynyň Ýerli dolandyryş, oba işleri we ýaşaýyş jaý gurluşygy ministri Majid bin Adulla bin Hamad Al-Hokaýl bilen duşuşygynyň barşynda aýdyldy.
Türkmen diplomaty ýokary derejedäki myhmana esasynda, «akylly» şäher konsepsiýasyndan ugur alnyp gurulýan Arkadag şäheri barada gürrüň berdi.
Taraplar Türkmenistan bilen Saud Arabystanyň arasyndaky ekologik taýdan arassa materiallary we smart-tehnologiýalary ulanyp, ýaşaýyş jaý gurluşygy we şäher gurluşygy babatyndaky hyzmatdaşlygyň geljegine garadylar.
Şunuň bilen baglylykda, bu babatda tejribe alyşmak maksady bilen ýörite iş toparynyň döredilmeginiň maksadalaýyk boljakdygy bellenildi.
ORIENT habarlar
