Serdar Berdimuhamedow Astrahan oblastynyň gubernatoryny kabul etdi
Türkmenistanyň Prezidenti Serdar Berdimuhamedow Aşgabatda Russiýanyň Astrahan oblastynyň gubernatory Igor Babuşkin bilen duşuşdy – diýip, TASS habar berýär.
Duşuşygyň barşynda taraplar özara gatnaşyklaryň iş ýüzündäki meselelerini ara alyp maslahatlaşdylar, şeýle hem logistikada we gämi gurluşygynda hyzmatdaşlyga üns berdiler.
Serdar Berdimuhamedow Igor Babuşkin bilen ynsanperwerlik babatynda hyzmatdaşlygyň geljegini maslahatlaşdy. Gubernator türkmen kollektiwleriniň üstümizdäki ýylyň awgustynda geçirilmegi meýilleşdirilen «Nusgawy sazyň Hazar festiwalyna» gatnaşmagyna umyt bildirdi.
Babuşkin syýahatçylygy ikitaraplaýyn hyzmatdaşlygyň geljegi uly bolan ugurlarynyň biri diýip, atlandyrdy.
Astrahan oblastynyň gubernatory Aşgabada 1-nji aprelde Astrahandan badalga alan we özi tarapyndan baştutanlyk edýän «Hazar – dostluk deňizi» atly motosiklli ýörişiň düzüminde geldi. Onuň gatnaşyjylary Aşgabada ýörişiň ýarysyny — 2,5 müň km ýoly (ýörişiň umumy uzynlygy – 5 müň km) söküp, geldiler.
Öňde motosiklli ýörişiň gatnaşyjylaryna Eýranyň Babolsýeri we Reşte şäherleri, Azerbaýjanyň Astary we Baku şäherler, Russiýanyň Kaspiýsk şäheri garaşýar. Ýöriş 11-nji aprelde Astrahanda tamamlanar.
ORIENT habarlar
