Rus öýünde Kosmonawtika gününiň hormatyna Gagariniň heýkeline gül goýmak dabarasy geçiriler
Aprel 11, 2023 | 11:52 |11545
Kosmonawtika gününiň we adamyň ilkinji gezek älem giňişligine çykmagynyň Halkara gününiň hormatyna Russiýanyň ilçihanasynyň bilim, ylym we medeniýet bölüminiň çäklerinde (Rus öýünde) Ýuriý Gagariniň heýkeline gül goýmak dabarasy bolar.
12-nji aprelde sagat 11:30-da boljak çärä ýazylmak üçin +99364535025 telefon belgisine jaň etmeli.
1961-nji ýylyň 12-nji aprelinde Ýuriý Gagarin 108 minutlyk uçuşy amala aşyrdy, şeýdip ol älem giňişligini haýran eden ilkinji adam boldy. Adamyň äleme uçmagynyň Halkara güni 2011-nji ýylda esaslandyryldy. Ol adamzadyň bähbidi üçin älemiň özleşdirilip başlanmagynyň başyny başlan taryhy güni ýatladýar.
ORIENT habarlar
