Fransiýanyň mekdeplerinde Olimpiada-2024-e taýýarlygyň çäklerinde sport bilen meşgullanmaga goşmaça sapaklary girizerler
Fransuz mekdeplerinde indiki ýylda Parižde boljak Olimpiýa we Paralimpiýa oýunlaryna taýýarlygyň çäklerinde sport bilen meşgullanmagyň goşmaça sapaklaryny girizerler. Bu barada Sport baradaky ministr Ameli Udea-Kastera we Fransiýanyň Milli bilim we ýaşlar ministri Pap Ndiaýe Parižiň 2017-nji ýylda ýaryşlary geçirmäge hukuk alanyndan bäri her ýyl geçirilýän Olimpiýa we Paralimpiýa hepdeliginden soňra beýan etdiler.
Şeýlelikde, Respublikanyň 700 mekdebi sport bilen meşgullanmak üçin her hepdede iki goşmaça sagat alarlar.
«Mekdepde fiziki işjeňligi we sporty ösdürmek ileri tutulýan meseledir. Ýakyn aýlarda biz öz tagallalarymyzy muňa gönükdireris, hususan-da, fiziki işjeňligiň ýoklugyna garşy göreşeris» - diýip, Le Monde fransuz gazetinde çap edilen Udea-Kasteriň we Ndiaýeniň beýanatynda aýdylýar.
Mekdeplerde bedenterbiýe we sport boýunça goşmaça sagatlaryň girizilmegi Fransiýany sport milletine öwürmek maksadyna gabat gelýär.
16-njy aprelde Fransiýada 2024-nji ýylda Parižde geçiriljek Olimpiýa oýunlaryna 500 gün galanda Oýunlaryň başlajak senesine çenli gün sanalmagyna badalga berler.
Ýatladýarys, Fransiýanyň paýtagty Olimpiýa oýunlaryny 2024-nji ýylyň 26-njy iýulyndan 11-nji awgustyna çenli, Paralimpiýa ýaryşlaryny bolsa — 28-nji awgustdan 8-nji sentýabra çenli kabul eder.
ORIENT habarlar
