Türkmenistanyň Moldowadaky Ilçisi ýurduň Prezidenti we Daşary işler ministri bilen duşuşdy
Türkmenistanyň Moldowadaky Adatdan daşary we Doly ygtyýarly ilçisi Toýly Ataew anna güni Moldowa Respublikasynyň Prezidenti Maýa Sanduna ynanç hatyny gowşurdy. Duşuşykda taraplar ikitaraplaýyn türkmen-moldowa gatnaşyklarynyň häzirki ýagdaýyny ara alyp maslahatlaşdylar we iki ýurduň syýasy gepleşikleri yzygiderli berkitmäge we söwda-ykdysady hyzmatdaşlygy işjeňleşdirmäge bolan gyzyklanmalaryna ünsi çekdiler – diýip, Moldova news Noi.md habarlar portaly habar berýär.
Şol gün türkmen diplomaty Moldowanyň Daşary işler we Ýewropa integrasiýasy ministrliginiň Döwlet sekretary Ruslan Bolboçan bilen duşuşdy. Moldowanyň Daşary işler ministrliginiň ýolbaşçysy türkmen diplomatik edarasynyň ýolbaşçysyna täze bellenen wezipesinde üstünlik arzuw etdi we Daşary işler we Ýewropa integrasiýa ministrliginiň doly goldaw berjekdigine ynandyrdy.
Gepleşikleriň dowamynda energetika pudagy hyzmatdaşlygyň geljegi uly ugurlarynyň arasynda görkezildi. Taraplar bu ugurda bilelikdäki taslamalary işläp düzmäge we durmuşa geçirmäge gyzyklanmalaryny we taýýarlyklaryny tassykladylar.
ORIENT news
