Arkadag şäherindäki çagalar dikeldiş merkeziniň ýanynda saglyk işgärleri üçin jaýlary gurarlar
Arkadag şäherinde Bütindünýä saglyk güni mynasybetli guralan welosipedli ýörişiň barşynda Türkmenistanyň Halk Maslahatynyň Başlygy Gurbanguly Berdimuhamedow Çagalar sagaldyş-dikeldiş merkeziniň ýanynda saglyk işgärleri üçin jaýlary we naharhanany gurmaklygy teklip etdi – diýip, TDH habar berýär.
Döwlet ähmiýetli täze şäheriň köçelerinden aýlanmak bilen Halk Maslahatynyň Başlygy ýerli ýaşaýjylar üçin amatly şertleriň döredilmegi üçin arassaçylyk we ekologiýa kadalarynyň berjaý edilmeginiň möhümdigini nygtady.
Şeýle hem welosipedli ýörişiň dowamynda Halk Maslahatynyň Baştutany ugurdaş desgalara we ýaşaýyş jaýlarynyň öýlerine seretdi.
Bütindünýä saglyk güni mynasybetli köpçülikleýin welosipedli ýörişler Türkmenistanyň ähli welaýatlarynda guraldy. Sport çäresi Aşgabatda Prezident Serdar Berdimuhamedowyň gatnaşmagynda geçdi.
ORIENT habarlar
