Özbegistanlylar möhleti geçen harytlar barada maglumat üçin sylaglanarlar
Özbegistanda ulanmaga ýaramsyz we saklaýyş möhleti geçen harytlar barada habar beren sarp edijiler sylaglandyrylar. Bu barada «Ilaty hilli sarp ediş harytlary bilen üpjün etmäge gönükdirilen goşmaça çäreler barada» prezidentiň 4-nji apreldäki kararynda aýdylýar, - diýip Sputnik Özbegistan Respublikanyň Adalat ministrliginiň metbugat gullugyna salgylanýar.
Resminama laýyklykda, ýurtda sarp edijileriň hukuklarynyň goralmagyna, harytlaryň bikanun dolanyşygy üçin jogapkärçilige gözegçiligi güýçlendirerler, tassyklanmadyk, möhleti geçen, galp we sarp edişe ýaramly däl harytlaryň önümçiligine we satylmagyna gözegçilik ederler.
Alyjylar ýeke-täk maglumat ulgamy arkaly arz-şikaýat edip bilerler. Arzalara ygtyýarly edaralar gysga wagtda sereder. Raýatlary hüşgärlige nähili höweslendiriljekdigi entek belli däl.
Düzgün bozulmalary habar berendigi üçin bu döwlet tarapyndan sylaglandyrma ilkinji tejribe däl. Geçen ýylyň maý aýynda salgyt düzgünleriniň bozulandygy barada habar berilme üçin fiziki şahsyýetlere tölegler tassyklandy.
ORIENT news
