Amerikan merkezi Aşgabatda ýaşlaryň eko-lagerini gurnar
Aprel 04, 2023 | 21:23 |16905
Ýedi günlük eko-lager 10-njy aprelde Amerikan merkezi tarapyndan Aşgabatda gurnalar. Ýaşlar maksatnamasy 8-11-nji synp okuwçylaryny, ýagny 14-18 ýaş aralygyndaky çagalary deň-duşlary bilen gyzykly we öwrenijilikli wagt geçirmäge çagyrýar.
Bu ýerde 15:00-17:00 aralygynda interaktiw oýunlar we tebigaty goramak boýunça okuwlar, plastik galyndylary we köne zatlary gaýtadan işlemek we ikilenji ulanmak boýunça görkezişli okuwlar, şeýle hem dürli hünärmenler bilen gyzykly duşuşyklar bolar.
Daşky gurşawa gönükdirilen bilim taslamasy 20-nji aprele çenli dowam eder. Maksatnamanyň agzasy bolmak üçin iňlis dilini bilmeli we 5-nji aprelden öň ýüztutma tabşyrmaly.
ORIENT news
