Belarus alymlary rak keseline garşy sanjym taýýarladylar
Belarus alymlary onkologiýany bejermekde üstünlik gazandylar - onkologiýa garşy göreşmegiň täsirli usuly hökmünde öýjükli immunoterapiýany işjeň ulanýarlar, - diýip MIR24 teleýaýlymynyň Belarus býurosy habar berýär.
Biofizika we öýjük inženerlik instituty immunoterapiýa üçin iki görnüşi hödürleýär: birinjisi, çiş emele gelişini ýok etmek üçin immunitet ulgamyny höweslendirýän dendrit öýjük sanjymlaryny döretmek, ikinjisi bedene zyýanly görnüşlere hüjüm edýän ganhor öýjükleriň girizilmegi.
Belarusiýada dendrit öýjükleri bilen ilkinji synaglar 2008-nji ýylda başlandy. Iki ýyldan soň sanjym rak çişinde üstünlikli synag edildi. Häzirki wagtda alymlar ony himiýa bejergisini geçirmedik hassanyň öýjüklerinden barlaghanada döredýärler. Sebäbi himiýa bejergiden soň ganyň funksional aýratynlyklary peselýär. Bu bolsa öz gezeginde sagdyn dendrit öýjüklerini almak we gysga wagtyň içinde köpeltmek mümkinçiligini azaldar, – diýip Belarusiýanyň Milli Ylymlar akademiýasynyň Biofizika we öýjük inženerlik institutynyň müdiri Andreý Gonçarow gürrüň berdi.
Ýakyn geljekde ýurtda öz donor dendrit öýjükleriniň bankyny döretmegi meýilleşdirýärler. Indi Belarusiýanyň alymlary öýjük bejergisiniň indiki tapgyrynyň üstünde işleýärler – rak keselini bejermekde dendrit we «ganhor» görnüşlerini birleşdirmegi meýilleşdirýärler we has uly kliniki üstünliklere umyt baglaýarlar.
ORIENT news
