BOMKA Türkmenistanda operatiw-gözleg işlerini alyp barýan işgärler üçin seminar geçirdi
Ýewropa Birleşigi tarapyndan maliýeleşdirilýän Merkezi Aziýada serhetleriň dolandyrylmagyna ýardam bermek maksatnamasy (BOMKA 10) Türkmenistanda operatiw-gözleg işlerini alyp barýan işgärler üçin seminar geçirdi – diýip, Maksatnamanyň resmi saýty habar berýär.
Çäräniň maksady – hukuk bozulmalarynyň derňewini geçirmäge ýöriteleşen işgärleriň mümkinçiligini ýokarlandyrmakdyr.
Seminarda Litwanyň Döwlet araçägini goramak gullugynyň Jenaýat derňewleri müdirliginiň bilermenleri gatnaşyjylary operatiw-gözleg maglumatlaryndan peýdalanmagyň, jogap beriji hukuk goraýjy çäreleriň esasynda işleri guramagyň ýörelgeleri bilen tanyşdyrdylar.
Milli seminaryň barşynda şeýle hem operatiw-gözleg maglumatyny ýygnamagyň modeli, bu ugurdaky maglumatlaryň bilelikde ulanylmagy ara alnyp maslahatlaşyldy.
Çärä Milli howpsuzlyk ministrliginiň, Türkmenistanyň Içeri işler ministrliginiň, Döwlet serhet gullugynyň we Döwlet migrasiýa gullugynyň wekilleri gatnaşdylar.
ORIENT habarlar
