Hokkeý boýunça Türkmenistanyň ýygyndysy Aşgabatda Kazanyň «Ak barsy» bilen duşuşar
Hokkeý boýunça Türkmenistanyň ýygyndysy Aşgabatda Kazanyň «Ak bars» komandasy bilen ýoldaşlyk duşuşygyny geçirer.
Türkmenistanyň Hokkeý federasiýasynda ORIENT-e habar bermeklerine görä, oýun 7-nji aprelde Aşgabatda sportuň gyşky oýun görnüşleri Sport toplumynyň buzly arenasynda bolup geçer. Duşuşygyň başlanýan wagty 16:00. Oýna biletleri sport toplumynyň kassalaryndan satyn alyp bolýar.
Kazan klubynyň wekilleri Türkmenistanyň ýygyndysyna dünýä çempionatyna taýýarlanmakda kömek etmek üçin Aşgabada geldiler (üçünji diwizion), onda olara Lýuksemburgyň, Tailandyň, Taýwanyň toparlary we ýaryşyň eýesi- GAR-sy garşy durar.
Birinji oýny Türkmenistanyň ýygyndysy 17-nji aprelde çempionatyň eýeleri — GAR-nyň topary bilen duşuşar. 18-nji aprelde hokkeý ýygyndymyz Lýuksemburgyň garşysyna oýnar, 20-nji aprelde Baýram Allaýarowyň türgenleri Tailand bilen duşuşar we 23-nji aprelde Taýwanyň ýygyndysynyň garşysyna çykyş edip ýaryşy tamamlar.
Soňky dünýä çempionatynda üçünji diwizionyň A toparynda Türkmenistanyň şaýbaly hokkeý boýunça ýygyndysy üçünji ýeri eýeledi.
ORIENT habarlar
