Russiýanyň gubernatory Türkmenbaşy bilen Astrahanyň arasynda kadaly uçar gatnawlaryny açmaklygy teklip etdi
Astrahan oblastynyň gurbernatory Igor Babuşkin Prezident Serdar Berdimuhamedow bilen duşuşugynyň dowamynda Astrahan bilen Türkmenbaşynyň arasynda kadaly uçar gatnawyny ýola goýmagyň mümkinçiligine garamagy teklip etdi – diýip, TASS habar berýär.
Ol döwlet baştutanyna ýakyn wagtda Astrahanda Hazaryň akwatoriýasynda işlemek üçin gurlan «Pýotr Welikiý» kruiz laýneriniň suwa goýberiljekdigini habar berdi.
Serdar Berdimuhamedow bilen söhbetdeşligiň barşynda Igor Babuşkin ynsanperwerlik gatnaşyklary ösdürmegiň möhümdigini nygtady. Häzirki wagtda bu sebitde Türkmenistanyň 1 müňden gowrak raýaty okaýar – diýip, ol belledi.
Gubernator şeýle hem Astrahanda beýik türkmen şahyry Magtymguly Pyragynyň doglan gününiň 300 ýyllygyna bagyşlanan çäreleri geçirmäge taýýardygyny beýan etdi.
ORIENT habarlar
