Türkmenistanyň futbol ligasynyň oýunlaryna badalga berilýär: «Arkadag» FK kimiň garşysyna oýnar
14-nji aprelde dokuz klubyň gatnaşmagynda futbol boýunça Türkmenistanyň çempionaty başlanýar. Ýaryşyň açylyşyndaky oýunda «Köpetdag» we «Şagadam» komandalary duşuşarlar.
Ertesi güni ýene-de üç oýun geçiriler: paýtagtyň «Altyn asyry» «Nebitçini» kabul eder, Aşgabat Marynyň «Merwine» myhmançylyga gider, geçen möwsümiň çempiony «Ahal» öz meýdançasynda «Energetik» bilen duşuşar.
Ýaryşyň reglamentine görä, her tapgyrda çempionatyň gatnaşyjylarynyň biri duşuşygy goýberer, şeýdip hem ätiýaçlykda oýna eýe bolar. Türkmenistanyň Futbol federasiýasynda ORIENT-e habar bermeklerine görä, birinji tapgyrda ol «Arkadag» FT boldy. Özüniň ilkinji oýnuny täze topar 18-nji aprelde «Merwiň» garşysyna ikinji tapgyryň çäklerinde geçirer.
Ýurduň Kubogy ugrundaky göreşe «Arkadag» FK 22-nji aprelde Marynyň «Energetigi» bilen duşuşmak bilen çykyş eder.
Federasiýanyň wekilleriniň maglumatlaryna görä, ýakyn wagtda transfer penjire açylar, onuň barşynda fubolçylar öňde duran ýaryşlara gatnaşmak üçin bir klubdan beýleki kluba geçip bilerler.
ORIENT habarlar
