Tatarystan Respublikasynyň baştutany Aşgabatda Türkmenistanyň ýolbaçylary bilen duşuşdy
Aşgabada bir günlük iş saparynyň çäklerinde Tatarystan Respublikasynyň raisi (baştutany) Rustam Minnihanow Türkmenistanyň Prezidenti Serdar Berdimuhamedow we Türkmenistanyň Halk Maslahatynyň Başlygy Gurbanguly Berdimuhamedow bilen duşuşdy – diýip, raisiň metbugat gullugy habar berýär.
Türkmenistanyň Prezidenti bilen duşuşykda ikitaraplaýyn hyzmatdaşlygy giňeltmegiň meseleleri ara alnyp maslahatlaşyldy. Minnihanow ýurduň wekiliýetini 18-19-njy maýda boljak «Russiýa-Yslam dünýäsi: KazanForum» halkara ykdysady forumyna gatnaşmaga çagyrdy.
«Yslam dünýäsi bilen hyzmatdaşlyk hemişe Tatarystanyň daşary ykdysady we halkara işjeňliginiň öňdebaryjy ugurlarynyň biri bolupdy» – diýip, Minnihanow belledi.
Türkmenistanyň Halk Maslahatynyň Başlygy bilen duşuşygyň barşynda özara gatnaşyklaryň ileri tutulýan ugurlary, şol sanda nebiti gözlemek, gazy daşamak, energetika we ş.m. ara alnyp maslahatlaşyldy.
Söhbetdeşler medeni gatnaşyklaryň ösdürilmeginiň, şeýle hem syýahatçylyk we bilim babatynda hyzmatdaşlygy ösdürmegiň möhümdigini bellediler. Şunda Türkmenistanyň Tatarystandaky daşary ýurt talyplarynyň sany boýunça birinji ýeri eýeleýändigi bellenildi, häzir olaryň sany 6218 ýetýär.
Söhbetdeşlikden soňra Gurbanguly Berdimuhamedow we Rustam Minnihanow Türkmenistanyň Söwda-senagat edarasynda geçýän Türkmenistanyň söwda toplumynyň sergisine bilelikde baryp gördüler.
ORIENT habarlar
