Gaagada Türkmenistanyň OPCW-da täze hemişelik wekili akkreditasiýa edildi
Duşenbe güni Türkmenistanyň Belgiýadaky ilçisi Sapar Pälwanow Gaagadaky Himiki ýaraglary gadagan etmek Guramasynyň (OPCW) baş edarasynda guramanyň ýolbaşçylary bilen duşuşdy.
Duşuşykda ilçi baş direktor Fernando Ariasa, OPCW-da Türkmenistanyň hemişelik wekili hökmünde şahsyýetnamalaryny gowşurdy.
Şeýle hem, taraplar hyzmatdaşlygyň geljegi barada pikir alyşdylar. Türkmenistanyň OPCW bilen himiki howpsuzlygy üpjün etmek we dolandyrmak, bu ugurda barlaghana kuwwatyny ýokarlandyrmak boýunça bilelikdäki seminarlar, konferensiýalar we beýleki çäreleri geçirmäge taýýardygy mälim edildi.
Fernando Arias, himiýa we derman senagatynyň yzygiderli tehnologiki ösüşiniň çäginde guramanyň esasy wezipeleriniň biri zäherli himiki önümleriň öndürilişine we dolanşygyna gözegçilik etmek, himiki howplara garşy göreşmekdigini aýtdy.
ORIENT news
