Türkmenistanyň gümrük edarasy BMG-niň Neşe we jenaýatçylyk baradaky müdirligi bilen hyzmatdaşlygy ösdürýär
Hyzmatdaşlygyň häzirki ýagdaýyny we mundan beýläkki hyzmatdaşlygyň geljegini Türkmenistanyň Döwlet gümrük gullugynyň wekilleri BMG-niň Neşe we jenaýatçylyk baradaky müdirliginiň wekiliýeti bilen ara alyp maslahatlaşdylar. Bu barada Türkmenistanyň gümrük edarasynyň saýtynda habar berilýär.
BMG-niň Neşe we jenaýatçylyk baradaky müdirliginiňwekiliýetine guramanyň Syýasat seljeriş bölüminiň müdiriniň orunbasary Fedor Klimçuk weJemgyýetçilik bilen gatnaşyklar we Bilelikdäki maliýeleşdirmek we hyzmatdaşlyk bölüminiň başlygynyň orunbasary Igor Kondratýew wekilçilik etdiler.
Taraplar konteýnerli daşamalara gözegçilik etmek, Port gözegçilik toparynyň arasyndaky aragatnaşygyň ýola goýulmagy babatyndaky bilelikdäki taslamalary ýerine ýetirmegiň çäklerinde gazanylan ösüşe garadylar.
Gepleşiklere gatnaşyjylar şeýle hem Lebap welaýatynda ýerleşýän «Farap awtoýollary» gümrük nokadynyň esasynda Port gözegçilik toparynyň döredilmegi taslamasy bilen baglanyşykly meselelere hem degip geçdiler.
ORIENT habarlar
