20-nji aprelde ilçihananyň täze binasyny açmak üçin Ysraýylyň Daşary işler ministriniň Aşgabat şäherine sapary meýilleşdirilýär
Aprel 02, 2023 | 23:43 |10324
20-nji aprelde Ysraýylyň Daşary işler ministri Eli Koeniň Aşgabat şäherine sapary meýilleşdirilýär. Bu barada ýekşenbe güni agşam Iýerusalimiň “The Times of Israel” onlaýn gazeti habar berdi.
Geçen hepde Azerbaýjan Ysraýylda öz ilçihanasyny açdy. Şunuň bilen baglylykda, Daşary işler ministri Eli Koen ýakyn wagtda, has takygy 18-nji aprelde Baku şäherine ugrar. Şol günüň ertesi diplomatyň Prezident Ylham Alyýew we Daşary işler ministri Jeýhun Baýramow bilen duşuşmagyna garaşylýar.
Ysraýylyň Daşary işler ministrligi Ysraýylyň ilçihanasyny açmak üçin Koeniň 20-nji aprelde Türkmenistanyň paýtagty Aşgabat şäherine ugramak mümkinçiligini öwrenýär.
ORIENT news
