Türkmenistan ýakynda geçiriljek syýasy we ykdysady wakalaryň senenamasynda
4-5-nji aprelde türkmen wekiliýeti söwdany ösdürmek boýunça sebitleýin okuw maslahatyna gatnaşar. Bu çäre Daşkentde USAID-iň howandarlygynda Merkezi Aziýanyň eksportçylaryna ýardam bermek maksady bilen geçiriler.
4-6-njy aprelde Aşgabatdaky Söwda-senagat palatasynyň Sergi merkezinde Türkmenistanyň haly, dokma we söwda pudaklarynyň harytlar we hyzmatlar sergisi geçiriler.
6-njy aprelde Aşgabatda, Jemgyýetçilik guramalary merkezinde Türkmenistanyň Mejlisiniň ýedinji çagyryşynyň birinji mejlisi geçiriler.
7-nji aprelde Türkmenistan Bütindünýä saglyk gününi köpçülikleýin sport we bilim çäreleri bilen bellär.
6-8-nji aprelde Duşanbe şäherinde Türkmen-täjik işewürlik forumy we Türkmen-täjik işewürlik geňeşiniň mejlisi geçiriler.
9-10-njy aprelde Türkmenistanyň Prezidentiniň Täjigistan Respublikasyna resmi sapary meýilleşdirilýär.
ORIENT news
