Hazar deňziniň töweregindäki motoýörişine gatnaşyjylar Türkmenbaşy we Aşgabat şäherine bararlar
Hazarýaka ýurtlary bilen hoşniýetli gatnaşyklary berkitmek üçin döredilen «Hazar - Dostluk deňzi» atly ilkinji on günlük motoýöriş 1-nji aprelde Astrahan sebitinde başlandy. Motoýöriş taglymatyny Russiýanyň Prezidenti we Russiýa Federasiýasynyň Daşary işler ministrligi goldady. Bu çärä Astrahan sebitiniň häkimi Igor Babuşkin ýolbaşçylyk etdi.
Astrakanyň häkimi we motohereketiniň aktiwistleri on günde motosikllerde takmynan 5 müň kilometre barabar ýoly ýeňip geçer. Ýöriş 11-nji aprelde tamamlanar. Olar 2-nji aprelde Gazagystanyň Atyrau şäherine geldiler.
Motosikl sürüjileriniň topary Gazagystanyň başga bir şäherine – Aktau hem baryp görer, soň bolsa olara Türkmenistanda garaşylýar. Ilki olar Türkmenbaşa, soň bolsa Aşgabat şäherine bararlar.
Ondan soňra – Eýranyň Babolser we Reşte, Azerbaýjanyň Astar we Baku, Russiýanyň Kaspisine. Atyrau bilen Aktaunyň arasyndaky iň uzyn geçelge 905 km, iň gysga - Astrahan bilen Atyrau arasynda 360 km bolar.
«Her döwletde resmi duşuşyklarymyz bolar, Türkmenistanda biz Türkmenistanyň Prezidenti, Azerbaýjanda premýer-ministri, Gazagystanda sebitleriň akimleri bilen, Eýranda Hazar deňziniň kenarynda ýerleşýän sebitleriň häkimleri bilen duşuşarys. Her ýerde Hazar hyzmatdaşlygymyzyň meselelerini ara alyp maslahatlaşarys», -diýip Babuşkin belledi.
Hazar deňzine çykýandygy üçin Astrahan sebiti halkara ugurlar ulgamynda möhüm orun tutýar. Sebit iki ýewoaziat ulag ugrunyň – Demirgazyk-Günorta geçelgesi bilen Günbatar-Gündogar geçelgesiniň çatrygynda ýerleşýär. Bu nukdaýnazardan, Astrahan sebitinde tutuş ulag-logistika toplumy, şol sanda port infrastrukturasy güýçli depdinde ösýär. Portyň esasy «Olýa» ykdysady zonasynda Türkmenistanyň Logistika merkezi hem ýerleşer.
ORIENT news
