TDHÇB-daky söwdalaşyklar: suwuklandyrylan gaz we tüýjümek önümler eksport edildi
Çarşenbe güni, 29-njy martda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,3 mln amerikan dollaryna deň bolan 7 geleşik baglaşyldy – diýip, ORIENT-iň habarçysy habar berýär.
Owganystanyň işewür toparlarynyň wekilleri suwuklandyrylan gazyň jemi 3 müň tonnasyny $1 mln amerikan dollaryndan gowraga satyn aldylar. Önümiň her tonnasyna $342,20 amerikan dollary baha berildi.
Azerbaýjandan gelen işewür tekiz boýalan we žakkard tüýjümek önümleriň 57,5 müň kg önümiň her kilogramyna $5,50 amerikan dollaryny hödürläp, $316,2 müň amerikan dollaryna satyn aldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
