Aşgabadyň futbol boýunça topary Daşkentde ýaşlar futbol ligasynyň ýaryşynyň wise-çempiony boldy

Mart 30, 2023 | 20:28 |13758

Paýtagtyň "Altyn täç" topary Daşkentde geçirilen AFL Kids ýaşlar halkara ýaryşynyň kümüş medalyna mynasyp boldy.

12 toparyň gatnaşmagyndaky çempionat üç ýaş derejesinde U-10, U-11 we U-12 geçirildi. Olaryň her birine "Altyn täç" toparynyň bir düzümi gatnaşdy.

Toparlaýyn we ýarym final tapgyrlaryny üstünlikli geçip, "Altyn täç" toparynyň iki düzümi (U-10 we U-12) finala çykdy. Aýgytly oýunlarda U-10 türkmen topary 0:2 hasap bilen "Aýbyn" (Gazagystan) toparyndan asgyn geldi, U-12 bolsa "TFA"-dan (Özbegistan) ýeňildi - (1: 2).

Çempionat Merkezi Aziýa ýurtlaryndan we Russiýadan iň gowy ýaşlar toparlaryny bir ýere jemledi.

ORIENT news