Türkmenistanyň ikinji Meýletin milli synynyň taýýarlanmagy dowam edýär
Türkmenistandaky BMG-niň Ösüş Maksatnamasy BMG-niň hemişelik utgaşdyryjysynyň edarasy bilen bilelikde Türkmenistanyň 2030-njy ýyla çenli Durnukly ösüş babatynda bütindünýä Gün tertibini ýerine ýetirmeginiň ikinji Meýletin milli synynyň (MMS) taslamasyny ara alyp maslahatlaşmak üçin seminar geçirdi.
Seminara degişli ministrlikleriň we edaralaryň, şeýle hem BMG-niň agentlikleriniň wekilleri gatnaşdylar. Halkara bilermeni Bakytgül Hambar bilen gatnaşyjylar häzirki zaman meselelerini we bar bolan hakykaty göz öňünde tutup, ikinji MMS-nyň jemleýji görnüşini taýýarlamak boýunça mundan beýläkki ädimleri kesgitlediler.
Türkmenistanyň ikinji Meýletin milli syny ýurt tarapyndan saglygy goraýyş, bilim, azyk we energetika howpsuzlygy, infrastruktura, gender deňligi, ekologiýa we hyzmatdaşlyk babatynda gazanan ösüşlerini öz içine alar.
MMS-nyň esasy habarlarynyň biri ýurduň DÖM-na ýetmekde we adama üns berip, durnukly ösüşiň ýeke-täk modelini düzmekde we ýurduň her bir raýatynyň abadançylygyny gowulandyrmakda ygrarlylygydyr.
Seminar BMG-niň Ösüş Maksatnamasynyň «Durnukly ösüşiň maksatlaryny ýerine ýetirmek üçin platforma, 2-nji tapgyr» taslamasynyň çäklerinde gurnaldy.
ORIENT habarlar
