Prezident Serdar Berdimuhamedow 10-11-nji aprelde Täjigistana sapar bilen barar
Türkmenistanyň Prezidenti Serdar Berdimuhamedow 10-11-nji aprelde resmi sapar bilen Täjigistana geler –diýip, Täjigistanyň baştutanynyň metbugat-gullugyna salgylanyp, «Aziýa Plýus» neşiri habar berýär.
Saparyň çäklerinde Türkmenistanyň Prezidentiniň ikitaraplaýyn gepleşikleriň birnäçesini geçirmegine garaşylýar, onda iki ýurduň arasynda dürli ugurlarda hyzmatdaşlygy mundan beýläk-de pugtalandyrmagyň ýollary ara alnyp maslahatlaşylar.
Saparyň öň ýanynda- 8-9-njy aprelde- Duşanbede iki ýurduň telekeçileriniň, işewürlik forumy, şeýle hem Türkmenistanyň we Täjigistanyň Işewürler geňeşiniň birinji mejlisi geçer.
2023-nji ýylyň ilkinji aýlarynda iki ýurduň arasyndaky haryt dolanyşygy $11,8 mln amerikan dollaryna deň boldy we geçen ýylyň degişli döwri bilen deňeşdireniňde 1,9% artdy. Görkezilen wagtda Türkmenistan Täjigistana $11,6 mln amerikan dollary möçberindäki haryt eksport etdi.
ORIENT habarlar
