Türkmenistanyň futzal boýunça zenanlar Kubogynyň eýesi belli boldy
Mart 28, 2023 | 16:34 |6939
«Altyn täç» topary futzal boýunça Türkmenistanyň Kubogyny gazandy. Final oýunda paýtagtyň kluby 4:2 hasabynda Marynyň «Olimp» komandasyny ýeňdi. Bu üstünlige oýunçylar Kamil Mingazowyň ýolbaşçylygynda ýetdiler.
Üçünji ýer üçin oýunda «Ahal» 2:1 hasabynda «Balkany» ýeňdi.
Ýaryşyň jemleri boýunça Läle Haipowany («Olimp») «Iň gowy oýunçy» diýip ykrar etdiler. Ýeňiji toparyň kapitany Mariýa Çaryýewa 18 gezek tapawutlanyp, iň gowy hüjümçi boldy.
«Iň gowy derwezeçi» ady çempionlaryň derwezesini goran Aýşa Annaberdiýewa miýesser etdi. «Ahaly»üçünji ýere getiren Boris Borowik ýaryşyň «Iň gowy tälimçisi» adyna eýe boldy.
ORIENT news
