Ankara Türkmenistandaky saýlawlaryň netijelerini makullaýar – Türkiýäniň DIM
Türkiýe Türkmenistandaky parlament saýlawlarynyň netijelerini makullaýar – diýip, ýurduň DIM-niň resmi saýtyndaky metbugat maglumatynda habar berilýär.
Beýanatda Türkiýäniň Türkmenistandaky parlament saýlawlarynyň parahat we asuda ýagdaýda geçenliginden kanagatlanýandyklary we Ankarada dostlukly we doganlyk ýurtdaky durnuklylyga uly ähmiýet berilýändigi aýdylýar.
Türkiýäniň daşary syýasat edarasynda saýlawlaryň netijeleriniň türkmen jemgyýetine bähbitli boljakdygyna ynam bildirdiler.
Mejlisiň deputatlarynyň, halk maslahatynyň agzalarynyň we geňeşiň saýlawlary Türkmenistanda 26-njy martda geçdi. Ses bermäge gelenleriň sany hasaba alnan umumy saýlawçylaryň 91,12% deň boldy.
Saýlawlaryň gidişine syýasy partiýalar, jemgyýetçilik birleşmeleri we raýat toparlary tarapyndan hödürlenen 2 müň 855 milli synçy tarapyndan syn edildi. Türkmenistanda saýlawlaryň geçirilişine syn etmek üçin GDA-dan, ŞHG-dan, OTG-dan, OIS-den, şeýle hem ÝHHG-nyň institutlarynyň birinden – BDIPÇ-den synçylar geldiler.
ORIENT habarlar
