«Erkin we açyk ýagdaýda geçdi» – Türkmenistandaky saýlawlar boýunça GDA-dan gelen synçylaryň netijeleri
GDA-dan gelen synçylaryň missiýasy Türkmenistandaky parlament saýlawlarynyň monitoringi boýunça beýannamanyň taslamasyny taýýarlady, ol degişli edaralar tarapyndan saýlaw kampaniýasynyň netijeleri resmi taýdan tassyklanandan soňra çap ediler, häzirlikçe bolsa missiýanyň baştutany – GDA-nyň baş sekretary Sergeý Lebedew ýurtda 8-nji martdan başlap işlän we ähli welaýatlarda bolup gören synçylaryň esasy netijeleri barada žurnalistlere gürrüň berdi.
— Saýlawlara taýýarlyk ýeterlik derejede guramaçylykly, takyk geçirildi, Merkezi saýlaw toparynyň baý tejribesiniň bardygy mese-mälimgörünýär. Biz Türkmenistanda saýlawlarda birnäçe gezek bolduk we bizde deňeşdirmek mümkinçiligi bar– diýip, Lebedew halkara synçylarynyň we KHBS-niň wekilleriniň gatnaşmagynda geçen brifingde aýtdy.
GDA-nyň baş sekretary bu saýlawyň öňkülerden iki sany düýpli aýratynlygyny belledi. Birinjisi: kampaniýanyň gurnalyşy hil taýdan ýokarlanypdyr, saýlawçylary hasaba almak has anyk bolupdyr, bu bolsa ähli uçastoklarda erkin elýeterlikde bolan sanawlary düzmekdäki tehniki ýalňyşlyklary aradan aýyrdy. Saýlawçylar bilen maglumat işleri gowulanypdyr. Ikinji, onuň pikiri boýunça esasy tapawut – Türkmenistan üçin, şeýle hem Arkalaşygyň beýleki ýurtlary üçin häsiýetli bolan elektoratyň(saýlawçynyň) kämilleşmeginiň ýokarlanmagydyr.
Şunda şeýle hem Lebedew saýlaw uçastoklarynyň ýokary hilli bezelişini belläp geçdi, şol sanda maglumat materiallarynyň elýeterli bolmagy, enjamlar bilen üpjün edilenligi, Türkmenistanyň MST-nyň saýtyna çykmak arkaly göni ýaýlyma çykmagamümkinçilik berýän enjamlaryň bolmagydyr. Şeýle hem Türkmenistandaky saýlawlaryň häsiýetli aýratynlygyny – çäräniň baýramçylyk gurşawyny belläp geçdi.
Bu gowy däpdir, ony mundan beýläk hem dowam etdirmeli diýip, synçylaryň missiýasynyň baştutany aýtdy, baryp gören köp uçastoklarynda aýdym-sazyň ýaňlanmagyna, bufetleriň işlemegine, lukmançylyk otaglarynyň hem taýýarlanmagyna olaryň oňyn garandyklaryny, ýöne şol otaglara zerurlygyňbolmandygyny, ýöne fakt hökmünde ses bermek düzgüniniň gurnalyşyna oňyn bolandygyny sözüniň üstüne goşdy.
Sergeý Lebedew synçylaryň ştabynyň Merkezi saýlaw topary, IIM, DIM, Baş prokuratura, Ýokary kazyýet bilen bolan konstruktiw gatnaşyklar barada hem gürrüň berdi, bu bolsa has dykgatly monitoring etmäge mümkinçilik döretdi, onuň barşynda saýlawyň netijesine täsir edýän haýsydyr-bir düzgün bozmalar ýüze çykarylmady.
-Umuman, saýlawlar alternatiw esasda we ýokary guramaçylyk derejesinde geçdi, milli kanunçylyga we demokratiki saýlawlary geçirmekligiň halkara ykrar edilen kadalaryna laýyklykda erkin we açyk boldy – diýip, Lebedew beýan etdi.
ORIENT habarlar
