Türkmenistan BSG-a goşulmak işiniň başyna geçýär
Çarşenbe güni Şweýsariýanyň Ženewa şäherine sapar edýän Türkmenistanyň Döwlet daşary ykdysady iş bankynyň başlygy Rahymberdi Jepbarowyň ýolbaşçylygyndaky Türkmenistanyň wekiliýeti Bütindünýä söwda guramasynyň baş müdiri Ngozi Okonjo-Iweala we onuň orunbasary Sýançen Çžan bilen gepleşik geçirdi.
Türkmen tarapy, ýurdumyzyň hökümetiniň BSG-e agza ýurtlar we beýleki gyzyklanýan gatnaşyjylar bilen Gurama goşulmak işine başlamaga taýýardygyny aýtdy.
Wekiliýetiň başlygy Türkmenistanyň ýurdumyzyň ykdysady gatnaşyklarynyň mundan beýläk-de ösmegine goşant goşjak halkara söwdasynyň umumy ýörelgelerini kesgitlemek üçin jogapkär bu integrasiýa gurluşy bilen hyzmatdaşlygy çuňlaşdyrmaga gyzyklanýandygyny tassyklady.
Türkmenistanyň Daşary işler ministrliginiň metbugat gullugynyň habar bermegine görä, Ngozi Okonjo-Iweala, BSG-nyň Türkmenistanyň ykdysady strategiýasyna we ony durmuşa geçirmek çärelerine ýokary baha berýändigini aýtdy. Taraplar, ýakyn wagtda Türkmenistan bilen BSG-nyň arasyndaky özara gatnaşyk meýilnamalaryna laýyklykda alnyp barylýan işlerde öňegidişligiň boljakdygyna ynam bildirdiler.
ORIENT news
