Maryda tennis boýunça açyk ýunior çempionaty geçirildi
Maryda, welaýat Sport komitetiniň Müdirligi taraoyndan guralan, tennis boýunça sebitiň açyk ýunior çempionaty tamamlandy.
Türkmenistanyň Tennis federasiýasynda ORIENT-e habar berlişine görä, bu ýaryş dört ýaş derejesinde – 10 ýaşa çenli, 12 ýaşa çenli, 14 ýaşa çenli we 18 ýaşa çenli medal ugrunda göreşen 80-den gowrak türgeni ýygnady.
Iň ýaş derejede altyn medal Maryly Ýunus Annamyradowa berildi. Ikinji oruny Gowşut Söýünow (Mary) aldy. Liderleriň üçligini Aşgabatly Dawud Hudaýberdiýew ýapdy.
Paýtagtyň tennis akademiýasynyň 9 ýaşly okuwçysy Sülgün Işangulyýewa, zenanlar ýaryşynda jemleýji tapgyrda Maryly Milana Umarowany ýeňip, altyn medal gazandy. Bürünç medal Aşgabatly Aýlar Akmuhammedowa berildi.
Lebaply Aly Geldiýew 12 ýaşa çenli ýaş derejesinde çempion boldy. Ikinji setirde Nazar Geldiýew (Aşgabat) bardy. Paýtagtyň wekili Süleýman Hudaýberdiýew münberde üçünji orny eýeledi.
Zenanlar ýaryşynda iň oňat netijäni Sülgün Işangulyýewa görkezdi. Birinji orundan bir ädim uzaklykda, Aşgabatly wekil Nazli Hudaýgulyýewa bardy. Bürünç medal Lebapdan Jennet Orazmedowa gowşuryldy.
14 ýaşa çenli ýaş derejesinde Lebaply Nazar Amangeldiýewe ýaryşyň altyn medalyny gowşurdy. Ikinji görkeziji Süleýman Hudaýberdiýewde (Aşgabat) boldy. Ilkinjileriň üçlügini Maryly wekil ÝunusAnnamyradow ýapdy.
Zenanlar ýaryşynda Lebaply Sabrina Rahmanowa altyn medal gazandy. Kümüş medal gazanan Aşgabatly wekil Natali Martynowa boldy. Bürünç – Aýnur Annamyradowa berildi. 18 ýaşa çenli ýaş derejesinde tutuş münberde Marynyň wekilleri bardy. Altyn medaly jemleýji tapgyrda Didar Wepamyradowy ýeňen Merdan Hanow gazandy. Üçünji orny Eziz Çaryýew aldy.
Lebabyň milli ýygyndy toparyna ýene bir altyn medal Sabrina Rahmanowa tarapyndan getirildi. Kümüş medal Bossan Ilmyradowa berildi. Bürünç medalyň eýesi Aýnur Annamyradowa boldy. Ýeňijileriň ikisi-de Marynyň tennis mekdebiniň wekilleri.
Artur PETROSÝANS
