AGPJ «Demirýollary» demir ýollaryň geçelgesini elektrikleşdirer
Mart 18, 2023 | 11:59 |10335
«Demirýollary» açyk görnüşli paýdarlar jemgyýeti demir ýollaryň geçelgesini elektrikleşdirmegi meýilleşdirýär, munuň üçin duýduryş, aragatnaşyk we elektrik üpjünçiligi üçin maddy-tehniki serişdeler satyn alnar.
Degişli tender-bäşleşigini «Neýtralnyý Turkmenistan» gazeti 18-nji martda çap etdi.
Demir ýol geçelgesi diýlip demir ýolyň awtoulag ýoly bilen kesişýän ýerine aýdylýar. Olaryň elektrikleşdirilmegi iki tarapdan hem ulagyň hereketiniň howpsuzlygyny ýokarlandyrýar.
Tendere gatnaşmak üçin ýüz tutmalar 18-nji martdan başlap sagat 09:00-dan 18:00-a çenli 30 iş gününiň dowamynda şu salgy boýunça: Aşgabat şäheri, Türkmenbaşy şaýoly, jaý 7 kabul edilýär.
ORIENT habarlar
