BMGÖM inçekesele garşy Bütindünýä göreş gününe bagyşlap internet-bäsleşigini geçirýär
Her ýyl 24-nji martda bellenip geçilýän inçekesele garşy Bütindünýä gününe bagyşlap, BMG-nyň Ösüş Maksatnamasy Türkmenistandaky wekilhanasy internet-bäsleşigiň geçirilýändigini yglan etdi.
Onuň şertlerine görä, gatnaşyjylar şu ýokanç kesel bilen baglanyşykly 7 soraga jogap bermeli. Soraglaryň arasynda – inçekeseliň öňüni alyş tejribesi barmy, dünýäde onuň garşysyna nähili sanjym bar, ol keselden doly gutulyp bolýarmy diýen ýaly sowallar bar?
Ähli soraglara ilkinji bolup dogry jogap beren adama baýrak berilýär. Soraglar bilen Türkmenistandaky BMGÖM-nyň Instagramdaky sahypasynda tanşyp bolýar.
Dogry jogaplar düşündirilişi bilen 24-nji martda yglan ediler.
Internet-bäsleşik jemgyýetçiligiň inçekeseliň lukmançylyk, durmuşy, ykdysady netijeleri baradaky habardarlygyny ýokarlandyrmaga niýetlenendir.
ORIENT habarlar
