Gurbanguly Berdimuhamedow bilen Şawkat Mirziýoýew Ankarada duşuşyk geçirdiler
Türkmenistanyň Halk Maslahatynyň Başlygy Gurbanguly Berdimuhamedow we Özbegistanyň Prezidenti Şawkat Mirziýoýew penşenbe güni Ankarada Türki döwletler guramasynyň nobatdan daşary sammitiniň çäklerinde ikitaraplaýyn duşuşyk geçirdiler.
Söhbetdeşler geçen ýyl ýokary derejeli saparlaryň netijesinde gazanylan ylalaşyklaryň ýerine ýetirilişine ünsi çekdiler, dürli derejedäki işjeň aragatnaşyklary we alyş-çalyşlary, Hökümetara toparyň ýakynda geçirilen mejlisiniň netijelerini, haryt dolanyşygynyň möçberiniň ösüşini we ileri tutulýan pudaklarda söwda gatnaşyklarynyň çuňlaşmagyny bellediler.
Ara alnyp maslahatlaşylan temalaryň arasynda “Şawat-Daşoguz” serhetýaka söwda zolagyny döretmek boýunça amaly işler, energetika, maşyngurluşyk, ulag we logistika, oba hojalygy we beýleki ugurlar boýunça hyzmatdaşlyk taslamalary bar - diýip, Özbegistanyň Prezidentiniň metbugat gullugy habar berdi.
Sebitleýin hyzmatdaşlygyň möhüm meseleleri ara alnyp maslahatlaşyldy we ýakyn wagtda geçirilmegi göz öňünde tutulýan çäreleriň tertibine garaldy.
ORIENT news
