Türkmenistanyň Prezidenti Serdar Berdimuhamedow “Bouygues” kompaniýalar toparynyň ýolbaşçysyny kabul etdi
Prezident Serdar Berdimuhamedow penşenbe güni Fransiýanyň “Bouygues” kompaniýasynyň ýolbaşçysy Marten Buigi kabul etdi.
Duşuşykda bellenip geçilişi ýaly, kompaniýanyň 30 ýyldan gowrak wagt bäri türkmen bazarynda iş alyp barmagy netijesinde, ýurtda bilelikde durmuşa geçirilen ajaýyp binagärlik taslamalarynyň sany, takmynan 70-e ýetdi we umuman aýdylanda, bu netijeli hyzmatdaşlyk türkmen-fransuz gatnaşyklarynyň ösmegine goşant goşdy.
Martin Buig kompaniýanyň Türkmenistanyň şäher gurluşyk maksatnamalaryna, özboluşly binagärlik gurluşly desgalary bilen tapawutlanýan Aşgabady ösdürmek meýilnamalaryna gatnaşmaga gyzyklanýanma bildirýändigini tassyklady.
Bu nukdaýnazardan, işewür telekeçi täze teklipleri beýan etdi, şeýle hem kompaniýa ynanylan desgalardaky işleriň ýagdaýy barada döwlet baştutanyna giňişleýin maglumat berdi.
Serdar Berdimuhamedow häzirki wagtda fransuz kompaniýasy tarapyndan bina edilýän işewürlik merkeziniň paýtagtymyzyň ýene bir ajaýyp künjegini emele getirjekdigine ynam bildirdi we Türkmenistanyň fransuz kompaniýasy bilen hyzmatdaşlygy dowam etdirmäge taýýardygyny mälim etdi.
ORIENT news
