Türkmen gümrükçileri intellektual eýeçiligi goramak babatynda hünärini kämilleşdirýärler
Sankt-Peterburgdan «Şmit i Orlow intellektualnaýa sobstwennost» kompaniýasy wideo aragatnaşyk arkaly geçen seminaryň barşynda Türkmenistanyň Döwlet gümrük gullugy bilen iş tejribesini paýlaşdy.
Seminarda kompaniýanyň bilermenleri kontrafakt önümini nädip ýüze çykarmalydygy, ony asyl nusgasyndan nähili tapawutlandyrmalydygy we intellektual hukuklary goramagyň çäresini nähili ulanmalydygy baradaky tejribesini we bilimlerini paýlaşdylar.
Türkmenistanyň gümrükçileri geljekde bu tejribäni öz işinde ulanmak üçin kontrafakt brend önümi tapmagyň usullaryny öwrendiler.
Okuwyň netijeleri boýunça gümrük gullugy Russiýanyň kompaniýasyna minnetdarlyk bildirdi we şunuň ýaly okuwlara gyzyklanmasynyň bardygyny beýan etdi.
Türkmenistanda kontrafakt harytlary ýüze çykarmak üçin intellektual eýeçiligiň desgalarynyň Gümrük reýestri döredildi we ol hereket edýär.
ORIENT habarlar
