Türkmenistanyň Döwlet gümrük gullugynda GIZ-iň taslamasy bilen hyzmatdaşlygy ara alyp maslahatlaşdylar
Gümrük amallaryny ýerine ýetirmek üçin sanly ulgama geçmek meseleleri Türkmenistanyň Döwlet gümrük gullugynyň wekilleriniň Germaniýanyň Halkara hyzmatdaşlyk boýunça jemgyýetiniň (GIZ) «Merkezi Aziýada söwda amallaryny ýönekeýleşdirmek» (TFCA) sebitleýin taslamasynyň baştutany Fesilitas Zik bilen geçirilen duşuşygyň dowamynda ara alnyp maslahatlaşyldy.
Taraplar Türkmenistanyň halkara awtoulag daşamalarynda ulanylýan harytlary deklarirlemegiň sanly ulgamyna geçmeginiň çäklerinde kabul edilmegi zerur bolan indiki ädimleri ara alyp maslahatlaşdylar. Ulgam gümrük taýdan resmileşdirmegiň wagtyny gysgaltmaga, deklarantyň wekilleriniň we gümrükhananyň şahsy gatnaşygyny aradan aýyrmaga, şeýle hem «bir penjire» ýörelgesini girizmäge niýetlenendir.
Bu ulgamyň esasy artykmaçlyklarynyň arasynda – resminamalary kagyz görnüşinde barlamak bilen baglanyşykly çykdajyly amallary mümkin boldugyça azaltmak, resminamalaryň elektron we kagyz görnüşindäkisini deňeşdirmek, şeýle hem ýokary ynamlylykdyr.
«Merkezi Aziýada söwdany ýönekeýleşdirmek» (TFCA) taslamasy araçäkde gözegçilik mahaly töwekgelçilikleri dolandyrmak ulgamyny kämilleşdirmeklige, ýönekeýleşdirlen üstaşyr düzgünleriň girizilmegine ýöriteleşýär.
ORIENT habarlar
