Halk Maslahatynyň Başlygy Berdimuhamedow Prezident Ärdogan bilen duşuşdy
Türkmenistanyň Halk Maslahatynyň Başlygy Gurbanguly Berdimuhamedow Türkiýäniň Prezidenti Rejep Taýyp Ärdogan bilen duşuşdy. Döwlet baştutanlary Türki döwletler guramasynyň Ankarada geçirilen nobatdan daşary sammiti tamamlanandan soňra, aýratyn söhbetdeşlik geçirdiler. Bu barada Türkiýäniň Prezidentiniň internet saýtynda habar berilýär.
Ozal habar berlişi ýaly, Ankara saparynyň öňüsyrasynda Aşgabat metjidinde milletiň Lideri Gurbanguly Berdimuhamedow Türkiýede bolup geçen ýertitreme zerarly şehit bolanlaryň, öten-geçenleriň hatyrasyna sadaka berdi. Şol gün irden Halk Maslahatynyň Başlygy paýtagtda üç sany täze lukmançylyk merkeziniň düýbüni tutmak dabaralaryna gatnaşdy. Bu desgalaryň gurluşygy Türkiýäniň “Gap Inşaat” gurluşyk kompaniýasyna ynanyldy.
ORIENT news
