Ýewropadaky we Merkezi Aziýadaky azyk ýagdaýy kanagatlandyryjy - BMG
BMG-nyň sekiz guramasy tarapyndan taýýarlanan hasabatda “Ýewropanyň we Merkezi Aziýanyň azyk howpsuzlygy we iýmiti bilen bagly ýagdaý kanagatlandyryjy we köp babatda dünýäniň beýleki sebitleriniň ýagdaýyndan ep-esli gowy” diýlip bellenilýär.
Birleşen Milletler Guramasynyň Azyk we oba hojalygy guramasy tarapyndan getirilen resminamada “dünýäde ýeterlik iýmitlenmezligiň ýaýrawy 2020-nji ýylda 9,9% -e çenli ýokarlandy, ýöne Ýewropanyň we Merkezi Aziýanyň 50-den gowrak ýurdunda soňky ýyllarda ortaça görkeziji 2,5%-den pesdir. Dünýä boýunça ortaça görkezijiden geçmek bilen, sebitdäki ýurtlarda çagalaryň we ulularyň arasynda aşa semizlik meselesi howsala döredýär" – diýilýär.
Ýewropada we Merkezi Aziýada azyk howpsuzlygy we iýmit ýagdaýynyň 2022-nji ýyl üçin sebitleýin syny azyk önümleriniň sarp edijilik bahasynyň ýokarlanmagy sebäpli, Ýewropanyň we Merkezi Aziýanyň ähli ýurtlarynda sagdyn iýmitlenmegiň bahasynyň ýokarlanandygyny belleýär.
Birleşen Milletler Guramasynyň Azyk we oba hojalygy guramasy: "Şeýle-de bolsa, käbir ýurtlardan başga sebitdäki adamlaryň köpüsiniň (takmynan 96,4%) 2020-nji ýylda dünýädäki ortaça 58% bilen deňeşdirilende sagdyn iýmitlenmäge mümkinçiligi bolupdyr" – diýip, belleýär.
ORIENT news
