Türkmenistanyň hokkeý boýunça ýetginjekler ýygyndysy Aziýanyň we Okeaniýanyň çempionatynda BAE-ni ýeňdi
Türkmenistanyň hokkeý boýunça ýetginjekler ýygyndysy Ulan-Batorda (Mongoliýa) geçýän Aziýanyň we Okeaniýanyň (U18) üçünji tapgyrynyň oýnunda 7:2 hasabynda BAE-niň toparyndan ynamly ýeňiş gazandy.
Türkmen toparynyň düzüminde Matweý Arhipow, Röwşen Aşyrow iki şaýba geçirdiler, Alihan Aliskerow, Elman Isaýew we Nazar Želtýakow hem bir şaýbadan geçirip, tapawutlanmagy başardylar. Emirlikleriň ýygyndysy üçin Mohamad Alkubaisi we Aleksandr Simonow jogap şaýbalaryny girizdiler.
Üç tapgyryň jemleri boýunça Guwançmyrat Jepbarowyň tälim berýän ýygyndysy alty oçko bilen ýaryşyň tablisasynyň üçünji setirinde ýerleşýär. Birinji we ikinji ýerlerde oçkolaryň deň sanyny alyp, degişlilikde Özbegistanyň we Mongoliýanyň ýygyndylary ýerleşdiler. Üçünji tapgyryň çäklerinde toparlar bir duşuşyk geçirerler.
Ozal hokkeý boýunça Türkmenistanyň ýygyndysy 4:3 hasabynda tailandly bäsdeşlerinden ýeňiş gazanypdylar we 5:0 hasabynda Özbegistanyň toparyndan ýeňilipdiler.
Indiki duşuşygy türkmen hokkeýçileri 15-nji martda ýaryşyň eýeleriniň garşysyna - Mongoliýanyň ýygyndysynyň garşysyna geçirerler.
Baş baýrak ugrunda alty topar göreşýär: Türkmenistan, Özbegistan, Tailand, BAE, Mongoliýa we Eýran. Ýaryş 19-njy martda tamamlanar.
ORIENT habarlar
