Gurbanguly Berdimuhamedow adyndaky haýyr-sahawat gaznasy täze ştab-kwartira göçer
Mart 13, 2023 | 16:40 |9082
Howandarlyga mätäç çagalara kömek etmek boýunça Gurbanguly Berdimuhamedow adyndaky haýyr-sahawat gaznasynyň ştab-kwartirasy Ahal welaýatynyň täze dolandyryş merkezine – Arkadag şäherine göçýär.
Bu barada Türkmenistanyň Halk Maslahatynyň Başlygy Gurbanguly Berdimuhamedow täze şähere eden iş saparynyň dowamynda habar berdi – diýip, TDH agentligi habar berýär.
Haýyr-sahawat gaznasy 2021-nji ýylyň martynda döredildi. Ol lukmançylyk we bilim hyzmatlarynyň berilmegini, şeýle hem howandarlyga mätäç çagalaryň dynç almagy we ösüşi üçin çykdajylary maliýeleşdirýär.
Ozal guramanyň ştab-kwartirasy Aşgabatda, Çandybil şaýolynyň ugrunda Türkmenstanyň Halkara kongres-merkeziniň binasynda ýerleşýärdi.
ORIENT habarlar
