«Gazprom» Türkmenistanyň ýygyndysynyň gatnaşýan ýaryşyna hemaýatkärlik eder
Russiýanyň «Gazprom» transmilli energetiki kompaniýasy Merkezi Aziýa ýurtlarynyň Futbol assosiasiýasynyň çempionatynyň hemaýatkäri bolar – diýip, Metaratings habar berýär.
Ýaryşa Merkezi Aziýanyň Futbol birleşmesiniň agza-ýurtlary: Türkmenistan, Täjigistan, Eýran, Özbegistan, Gyrgyzystan we Owganystan gatnaşarlar.
Russiýanyň ýygyndysy bu ýaryşa gatnaşjakdygyny tassyklady. Şeýle hem Aziýanyň ýygyndylarynyň birini çagyrmak meilleşdirilýär.
Çempionaty 9-njy iýundan 21-nji iýun aralygynda Bişkekde we Daşkentde geçirmek meýilleşdirildi.
Reglamente laýyklykda sekiz topar hersinde dört topar bolan iki kwartete bölüner. Iki toparyň ýeňijileri finalda duşuşarlar. Öz kwartetlerinde ikinji bolan toparlar üçünji ýer üçin göreşerler.
2022-nji ýylyň fewralynda FIFA we UEFA Russiýanyň ýygyndylaryny we klublaryny halkara ýaryşlaryň oýnamakdan mahrum etdiler. 30-njy dekabrda RSF (Russiýanyň Futbol birleşigi) iş toparyny döretdi, ol UEFA-dan Aziýanyň Futbol konfederasiýasyna geçmek prosesi bilen tanşar.
ORIENT habarlar
