Habibowlaryň täze bahary: Biz muny başardyk!
Meşhur Habibowlar jübüti sözüň ähli manysynda nobatdaky baharyny ýaşaýar. Bu ýerde diňe bir howa däl, eýsem Nazaritanyň we Naziriň täze durmuşy hem gülläp, hoşboý ys berýär we diňe agaç şahalary däl, eýsem aýdymçynyň karýerasyny hem pyntyklar güller açýar. Ýeri gelende aýtsak, oňa aýaly tarapyndan uly goldaw berilýär.
Jübütiň diňe bilelikdäki Instagram hasabyndaky 340 müň abunaçysy ýag bilen örtülmedik, aslynda Habibow ýene-de dabara sahnalarynda peýda bolýar, öňküsi ýaly türkmen körçüliginiň ünsüni özüne çekýär. Şeýle hem, halka «Arkadagly Serdarym» atly täze albomyny hödürleýär.
Habibowyň karýerasynda aýratyn orun ony ençeme ýyllap goldan «ylham çeşmesine», ýagny Nazarita berilýär. Häzir bolsa ol pop aýdymçysynyň sahna gaýdyp gelendigini yglan edýän esasy ýaýradyjydan biri boldy. ORIENT, Nazarita Habibowanyň özi bu barada näme pikir edýändigini bilen gyzyklandy we şu jogaby aldy:
– Biz muny başardyk! Ahyryn bu 5 aýyň dowamynda boldy! Bu, biziň üçin ajaýyp sene, sebäbi muňa köpden bäri garaşdyk. Şunuň bilen baglylykda, men Hormatly Prezidentimize bize şu pursaty berenligi üçin minnetdarlyk bildirýärin. Biz döwlet Baştutanymyza aýdym bagyşlap we adybir albomyny döretmek bilen minnetdarlygymyzy bildirmek isledik. Men şu ýyllaryň dowamynda bize goldaw berenleriň ählisine minnetdarlygymy bildiresim gelýär!
Sosial ulgamlarda eýýäm hemmeleriň ünsini özüne çeken albomyň sanawyna iň meşhur eserleriň täzelenen görnüşleri, şol sanda fitler hem girdi. Şeýlelik bilen, onuň döredijiliginiň muşdaklary ýurdumyzyň hemme ýerinde bir wagtlar «ýaňlanan»: «Toý toý», «Humaý», «Şahrizada» ýaly hitlerini ýatlamaga mümkinçilik alarlar. Wideosy türkmen internetiniň giňişliginde iň köp görülýänleriň birine öwrülen reňkli «Amman Amman»-syz hem bolmaz. Emma Watana we halka bolan söýgi mowzugyny açýan «Arkadagly Serdarymyz» aýdymy albomda aýratyn orun tutýar. Jemi 18 aýdymy jemlän albomyň sanawynda şol aýdym başynda gelýär.
Arslan MAMEDOW
