TMDDI-nyň mugallymlary Kembrij uniwersitetiniň okuw usulyýetleri bilen tanyşdylar
D. Azady adyndaky Türkmen milli dünýä dilleri institutynyň mugallymlary Kembrij uniwersitetiniň onlaýn-gününe (Online Cambridge Day) gatnaşýarlar. Onuň çäklerinde tejribeli pedagoglar öz kärdeşlerini bütin dünýä meşhur ýokary okuw mekdebiniň ajaýyp okuw usulyýetleri bilen tanyşdyrarlar we köpýyllyk tejribelerini paýlaşarlar.
Çäräniň çäklerindäki leksiýalar 10-11-nji martda geçýär. Sapaklar täze tehnologiýalaryň we çemeleşmeleriň üsti bilen mugallymlara talyplar bilen özara täsiri gowulandyrmaga kömek etmäge niýetlenendir.
TMDDI-dan okuw sessiýalaryna iňlis dili kafedrasynyň müdiri Çemen Wekilowa we iňlis filologiýasy kafedrasynyň mugallymy Eneş Annaýewa gatnaşýarlar.
Gatnaşyjylar iňlis dilini öwrenmegi has gyzykly we özüne çekiji etmegiň usullaryna, birmeňzeş däl pikirlenmäni höweslendirmäge, şeýle hem multimedia serişdeleriniň kömegi bilen okuw temalaryny wizualizasiýa etmäge uly üns berdiler.
Mugallymlaryň hünär başarnygyny ýokarlandyrmak üçin şuňa meňzeş onlaýn-çärä gatnaşylmagy Türkmenistanda daşary ýut dillerini okatmagy kämilleşdirmegiň Konsepsiýasyny ýerine ýetirmegiň çäklerinde höweslendirilýär.
Maksat BUGRAÝEW
