Merkezi Aziýada Hukugyň hökmürowanlygy maksatnamasynyň saýty türkmen dilinde elýeterli boldy
Merkezi Aziýada Hukugyň hökmürowanlygy maksatnamasynyň saýty indi türkmen dilinde hem elýeterlidir . Bu barada Ýewropa Birleşiginiň Türkmenistandaky wekilhanasy özüniň Instagram hasabynda habar berdi.
Maksatnama 2020-nji ýylda Ýewropa Birleşiginiň, Ýewropa Geňeşiniň we Merkezi Aziýa ýurtlarynyň hökümetleriniň (Gazagystan, Gyrgyzystan, Täjigistan, Türkmenistan we Özbegistan) hyzmatdaşlygynyň çäklerinde badalga berlipdi.
Ol sebitiň ýurtlarynda Ýewropa we beýleki halkara ölçeglerine laýyklykda şunda her aýratyn ýurduň islegi göz öňünde tutulyp, hukugyň hökmürowanlygyny pugtalandyrmaga niýetlenendir.
Maksatnama üç esasy düzüm bölekden ybaratdyr:
— Ýewropa bilen Merkezi Aziýanyň arasynda umumy hukuk giňişliginiň döredilmegine we adam hukuklarynyň goraglylygynyň güýçlendirilmegine ýardam etmek;
— aýdyňlygyň ýokarlanmagyna ýardam etmek we ykdysady jenaýatçylyklara garşy göreş,
— döwlet institutlarynyň netijeli işlemegine we döwlet dolandyryş edaralarynyň netijeli işlemegine ýardam etmek.
ORIENT habarlar
