Türkmenistanyň Daşary işler ministrliginde azyk howpsuzlygy pudagyndaky hyzmatdaşlyk ara alnyp maslahatlaşyldy
Şenbe güni Türkmenistanyň Daşary işler ministri Raşid Meredow "Howanyň üýtgemegi şertlerinde azyk howpsuzlygy boýunça hyzmatdaşlyk" atly halkara maslahata gatnaşmak üçin Aşgabat şäherine gelen FAO-nyň Baş direktorynyň orunbasary, Ýewropa we Merkezi Aziýa boýunça sebit wekili Wladimir Rahmanin bilen duşuşdy.
Duşuşygyň barşynda taraplar azyk we ekologiýa howpsuzlygy, tebigatdan tygşytly peýdalanmak, şeýle hem sanly ýer kadastrlary ulgamynda hyzmatdaşlyk ýaly meseleleri ara alyp maslahatlaşdylar – diýip, türkmen DIM-iň metbugat gullugy habar berýär.
Meredow: -“Türkmenistan FAO-nyň işine ýokary baha berýär we bu ugurda hyzmatdaşlygy ösdürmegi maksat edinýär” - diýdi. Ministr FAO bilen bilelikde Aşgabatda azyk howpsuzlygy we howanyň üýtgemegi boýunça sebitleýin maslahatyň geçirilmeginiň oba hojalygynyň uýgunlaşmagynda möhüm ädimdigini aýtdy.
Rahmanin ýokary derejeli halkara forumy gurandygy üçin türkmen tarapyna minnetdarlyk bildirdi we Türkmenistanyň azyk howpsuzlygyny üpjün etmek bilen baglanyşykly meseleleri çözmekde goşýan goşandyny, şeýle hem FAO tarapyndan durmuşa geçirilýän ýurt we sebit taslamalaryna hemmetaraplaýyn goldawyny belledi.
Myhman forumyň çäklerinde gatnaşyjylaryň azyk howpsuzlygy pudagyndaky tagallalary birleşdirmek üçin anyk teklipleriň birnäçesini öňe sürendigini belledi.
ORIENT news
