Türkmenistanyň gümrük edarasynda zenanlary sylaglamak dabarasy geçirildi
Mart 08, 2023 | 13:49 |7346
Türkmenistanyň Döwlet gümrük gullugy Merkezi apparatyň, Aşgabat şäheriniň we Ahal welaýatyndaky edara bölümleriniň harby gullukçylaryny we işgärlerini dabaraly gutlady. Bu barada Türkmenistanyň Döwlet gümrük gullugynyň saýtynda ýazýar.
Ajaýyp zenanlara gutlag sözi bilen gullugyň başlygy Maksat Hudaýgulyýew çykyş etdi. Edaranyň ýolbaşçysy Türkmenistanda gümrük işiniň kämilleşmeginde aýallaryň möhüm goşandyny belläp, mundan beýläkki işlerinde üstünlik arzuw etdi. Şeýle hem, Halkara zenanlar güni mynasybetli ýurdumyzyň Prezidentiniň adyndan sowgatlar gowşurdy.
Baýramçylyk programmasy bilen gullugyň orkestri we döredijilik topary çykyş etdi.
ORIENT news
