Türkmen karateçileri Türkiýädäki halkara ýaryşynda çykyş edýärler
Türkmen karateçileri 1-njy martda Konýada (Türkiýe) başlanan Karate 1 Series A halkara ýaryşynyň ikinji tapgyrynda çykyş edýärler.
Türkmen wekiliýetiniň düzümi 15 adamdan ybarat bolup, onuň 11-si türgenlerdir.
Karate 1 Series A ýaryşlaryna Karate boýunça bütindünýä federasiýasynyň (WFK) dünýä reýtinginde 33-nji we ondan aşakdaky orny eýelän karatistler gatnaşýarlar. Ýaryş Karate1 Premier League girmäge mümkinçilik döredip, WKF reýtinginde ornuňy gowulandyrmaga hem hukuk berýär.
Konýadaky çempionat 76 ýurtdan 1000-den gowrak türgeni ýygnady. Ýer eýesiniň 187 gatnaşyjydan ybarat bolan Türkiýäniň topary bu ýaryşda iň uly ýygyndyny emele getirýär.
Liganyň indiki tapgyrlary Wankuwerde (Kanada), Larnakada (Kipr) we Matozinýuşede (Polşa) dowam eder.
ORIENT habarlar
