Türkmenistan we MHG ýurduň migrasiýa kanunçylygynyň ýagdaýyny ara alyp maslahatlaşdylar
Türkmenistanyň Döwlet migrasiýa gullugynyň wekilleri we Migrasiýa baradaky halkara guramasynyň MA boýunça sebitleýin utgaşdyryjysy Zeýnal Gajiýew milli kanunçylyga halkara kadalarynyň girizilmegini ara alyp maslahatlaşdylar.
Gepleşikleriň barşynda iş ýüzünde migrasiýa kanunçylygynyň netijeli ýerine ýetirilmeginiň wajypdygy bellenildi we ähli başlangyçly maksatnamalar boýunça işjeň hyzmatdaşlyk etmäge iki tarapyň hem taýýardygy nygtaldy.
Şeýle hem gurluşyň wekilleri parahatçylygy pugtalandyrmak, howpsuzlyk we durnukly ösüş meselelerine degip geçdiler. Adam söwdasyna garşy göreşmek, dürli howplaryň öňüni almak meselesine we sebit gerimindäki beýleki meselelere aýratyn orun berildi.
Iş duşuşygynyň netijeleri boýunça taraplar bilelikdäki çäreleri yzygiderli geçirmek barada ylalaşdylar.
ORIENT habarlar
