Türkmen küştçüleri Daşkentdäki halkara küşt ýaryşynda çykyş edýärler

Mart 10, 2023 | 12:08 |11423

Türkmen küştçüleri 5-nji martda Daşkentde (Özbegistanda) başlanan Women’s Chess Championship Halkara küşt ýaryşyna gatnaşýarlar. Bu barada ORIENT-e Türkmenistanyň Küşt federasiýasynda habar berdiler.

Türkmen ýygyndysynyň düzümini Jemal Owezdurdyýewa, Aýşe Gubataýewa we Jennet Durdyýewa düzdüler.

Ýaryş zenanlaryň arasynda iki toparda şweýsar ulgamy boýunça 9 döwden ybarat bolar:

-Esasy A topar - reýtingi 1500 we ondan ýokary bolan gatnaşyjylar; -B topar – reýtingi 1499 we ondan pes bolan gatnaşyjylar.

Türkmenistandan baran küştçüler A toparda çykyş edýärler. Birinjiligiň umumy baýrak gaznasy 50 000 ABŞ-nyň dollaryna deňdir. Ýaryş 12-nji martda tamamlanýar.

ORIENT habarlar